so gang s'wiegn

do wennst iatz kimmst, no foahrst afoch auf d'woog hi, bis zun fensta und net weida, mochst dei scheim auf und schmatzt ausse. do is nu koana gfressn worn. do kinnts ah olle sitzn bleim, des duat ah net weh. danoh sitzts jo eh ah olle wieda drin. es heyft ah nix, wanns zerscht aussteigts, hirennts, frogts, zruckrennts, viarefoahts auf d'woog und no hobts eh wieda ois vagessn. aussadem waar's eh wurscht, wei eh ois gwogn wird, wos einageht. und ees gloifen, es wo's eh wissts, wo's himiassts, vazeyht's ma nyx, ah net wenns mehra zun ohlohn hobts, des sehg i eh, wanns wieda do stehts auf da woog und hobts nu epps drom. sogn miassts es hoid no boid gnua sogn und net d'rechnung valanga und dano deppat do steh. es segts oba eh wanns es gwong sats, wei d'ampe schoit jo net vo seyba um. de wiad erst roud, wannst auf d'woog foahrst, do derfst fei scho bis viare fohn, wos duast denn sunnst wennst auf da stroß a roude ampe segst? und frogts ned bled drei, sperrts enkane waschln auf und heats zua! dano kinnts wieda frogn. redts net, wann enk eppa wos vazeyt, dano wissts wieda nyx meah. wann enk scho eppa sogt, wos es des glump hidoa soits, no doats des ah und net wo andascht ei schmeissn, wo's ned ei g'heat, wei sotiakostn han deia. zoin misst's es zwar eh seyba, oba danoh schauts wieda recht deppat drei. ah jo, nu epps fia de, de oiwei moanan, ois waar ummasunst. wenn i ned sog, dass nyx kost, no hoasst des nu lang ned, dass niyx kost, host mi?